اذهب الي المحتوي
منتديات سايق الخير

]![ .. أقــــــــــرب النــــــــــــــاس .. ]![


Recommended Posts

ياشين بعــد الرفيـق ومســة الحــاجة

 

وفقدانــك الحــاجة اللي كنــت ذاخــرهــا

 

وجـفوى أقـرب النـاس لك لاصرت محتاجة

 

والنـاس تقــراء جفـاها من مشاعرهــــا

 

ولوجـــه يفرق عبوســــه عن تبلاجــــــه

 

وسيلــة النــاس لا شـــانت خواطرهــا

 

منــها مشاعر ضميري تصفق امواجه

 

مشـــاعـــر من بنـــات الفكـر صاخرها

 

يعنــي قريحـــة بعيد افكار ونتــــاجه

 

كن الكواكب تســـامرني واسامرهـــــــا

 

واشوف دمــي على آخــر ضغطة ابراجه

 

لو تجتمع كل خلق الله معبـــــــــــــرهـا

 

كنــي مكلف بطبعـة فلــم واخـــراجـــه

 

انســج من الذاكرة قــدام اصورهــــــــــا

 

فلم حقيقــــي وانـــا المعنــى بدبــــــلاجه

 

والناس مــحكم عليــها من مظـــــاهــرها

 

والتجــربة نــور وجــه الرجـل واسـراجه

 

والطيب نــور الوجيـــــه اللي ينورهـــا

 

والوجود يشبه لبيت الله لحجــــاجـــــــه

 

ولا نيب مكلوف ايا منهــــا واياســرهــا

 

واقول بالنــاس معتــدله ومنعـــاجـــــه

 

والمعنـي اللي يكســـرها يجبــــــرهــــا

 

واللــي سرى له رسول الله بمعراجــه

 

والنـاس يعـلم بما تخفــى سرايــــرهـــا

 

لصك باب المجـــــامل واحكم ازلاجه

 

قـــدام الاصحــاب خــافيها وظاهــرها

 

هــذا عـهد بعــد ما مستني الحاجـــــه

 

ولا نيــب من يطــلع الكــلمــة وينكرها

رابط هذا التعليق
شارك

زوار
هذا الموضوع مغلق.
×
×
  • اضف...