الشاعر العالمي ابليس في قصسدة علي باب سفارة كندا

 

على باب سفارة كندا

 

 

على باب سفارة كندا.. لمحت إبليس و ف إيده استماره..

 

 

باقول له على فين.. قاللي بص ياحماده

 

 

يا هجرة ..يا إعارة.....

 

 

يا عم زهقت.. كفرت .. ألاقيش معاك سيجارة..

 

 

أنا انتهيت خلاص .. لا نافع وسواس ولا خناس

 

 

ولا ليا عيش وسط الناس..

 

 

دي عالم مجرمين.. عندكوا فائض ف الفساد..

 

 

في كل البلاد..

 

 

ومش محتاجين شياطين .. ماليش عيش ف دي البلاد

 

 

بقالي سنين عاطل .

 

 

و انتوا بتعرفوا تقلبوا الحق باطل..

 

 

و تسلكوا القاتل .. و تمشوا ف جنازة المقتول..

 

 

ومافيش مشاكل

 

 

يا عم ده انا بقيت أوسوس بالمقلوب..

 

 

و أقول للحرامي .. كفاية بقى .. توووووب..

 

 

إنت إيه.. لوحدك هاتعمل كل الذنوب..؟؟

 

 

و أنا إبليس أشتغل واعظ .. ولا كمساري ف اتوبيس..

 

 

يا عم ده أنا زمان

 

 

كنت أستنى حد ينسى يسمي وهو بياكل لقمته..

 

 

دلوقتي كل أكلكم ملوث .. و بصراحه الواحد خايف على صحته..

 

 

ده مافيش ضمير أساساً عشان أموته..

 

 

و كل واحد بمزاجه .. خربانة ذمته

 

 

يا عم ده كل حاجة إتسرقت..

 

 

وكده الأجيال الجديدة مع الحرامية إتظلمت..

 

 

يا راجل ده من كتر ما لطشت معايا..

 

 

خرجت ف مظاهرة مع الناس اللي بتقول كفاية..

 

 

و برضه ......... مافيش فايدة

 

 

 

ملحوظه قلبوظه:

 

أبليس قال القصيده دي قبل الثورة ههههههههههههههه

تم تعديل يونيو 30, 2011 بواسطه العاشق المجروح

ههههههههههه

 

روعة ^_^

هههههههههههههههههه قوية

 

طلع شاعر ابليس ومش عارفين

 

الله يخليك اخوي

ههههههههههههههه

 

عرف يحبكها ابليس

 

يسلمواا اخوي ^_^

ههههههههههههههههههههههههههههههه

 

الله يقلع شيطاآنك ..

 

ماشاء الله من متى ابليس شاعر

 

مشكووور اخوي صرآاحه من اروع القصايد الي سمعتها _^

 

لاتحرمنا من جديدك ^_^

ههههههههه

 

روعه اخي احمد

 

شكراً لك

مشكورين