اذهب الي المحتوي
منتديات سايق الخير

Recommended Posts

الاسرار

 

 

يا رفيف الماء .. وفجر العيد .. وأحزان المواني

 

يا أكثر أهل الأرض طيبة قلب .. وأسرار دفينه

 

 

 

المكان اللي هنا .. مليان ضحكات ، وأغاني !

 

والكلام اللي بغيت أقول .. يحتاج لـ سكينه !

 

 

 

شوفي الركن البعيد هناك .. كنه صدر حاني

 

هذا هو اللي يليق بـ شاعر وبنت حزينه !

 

 

 

أنسي الشارع ، وعتمات الزوايا، والمباني

 

هاتي يدينك نلف الغيم ونشكل مدينه !!

 

 

 

عندي الليلة كلام وصمت .. وأخاف الثواني ..

 

تظلمه .. أو تظلم اللي فيه كم ضاعت سنينه

 

 

 

بس لازم تسمعين اللي أبي ولا تراني

 

لو بـ أعيده لك .. نسيت .. ورحت أقول اللي تبينه

 

 

 

شي واحد قبل ما أبدأ .. ما أبي أي شي ثاني

 

يخطر فـ بالك .. وأنا أكشف لك شعور تجهلينه !

 

 

 

إن أنا .. وبكل ما تحمله "أحبك" من معاني

 

كنت،وراح أبقى أحبك .. لين .. مدري وش هو لينه !!

 

 

 

بس والله ماقدرت أنسى .. ولا همي نساني ..

 

لا ذكرت إنسان .. فيه أسرار مابينك وبينه

 

 

 

كل ما تطري علي فكرة هواك الأولاني

 

أشعر إني أنطعن مليون مره من يدينه!

 

 

 

أشعر إن عيونك.. الله ما خلقها إلا عشاني !

 

كيف كانت تبتسم له؟!.. قولي إنك تخدعينه !!

 

 

 

صورة إنه كان يمسح دمعك .. تزلزل كياني

 

وكيف كان يلم شعرك .. ويتبعثر في يمينه

 

 

 

حتى اسمك يوم رحت أدللـه .. حظي رماني

 

.. بنفس الاسم اللي يقول .. بذمتك ماهي غبينه !؟

 

 

 

وكني اللي .. كل ما أناديك بالاسم الفلاني

 

أطلب النسيان .. يترك منه شي تذكرينه !!

 

 

 

لا تظنيني أناني .. لا .. أنا مانيب أناني

 

لو سلمت من الغرق . بـ أموت في ظهر السفينه!

 

 

 

يا إني ما أكمل،وأعاني .. أو أكمل ثم أعاني

 

.. كل ما اسمع طاري اسمه .. أو تجي عيني فـ عينه!

 

 

 

أيــنا كان الضحيه ؟.. وأينـــا اللي كان جاني ؟

 

مدري !.. ولكن قراري لازم إنك تقبلينه:

 

 

 

مثل ما أكره فكرة إنه واحد ياخذ مكاني

 

ما أقدر أجلس في مكان إنسان.. كنتي تعشقينه!

 

ـــــــــــــــــــــــــــــــــــــــــــــــ

 

الرابط المباشر:

 

http://song.6rb.com/songer/x/sh/86/86-alasrar.rm

 

الساعر:فهد المساعد

رابط هذا التعليق
شارك

Join the conversation

You can post now and register later. If you have an account, sign in now to post with your account.

زوار
اضف رد علي هذا الموضوع....

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

جاري التحميل
×
×
  • اضف...