اذهب الي المحتوي
منتديات سايق الخير

:: عطـني شمـاغـك بلثمـه وأحتـمي به ::


Recommended Posts

بسم الله الرحمن الرحيم

 

السلام عليكم ورحمة الله وبركاته

 

قصيده اعجبتني وحبيت انقلها لكم

...............................................

...............................................

يـابــوي جـعـلـك للـبـقـا والمـكـاسـيـب

 

عمـري بدونـك يالـذ ّرا ويـش أبـي بـه

 

يابـوي تسـأل عــن شـفـاك المراقـيـب

 

طـلـعـة سـواتــك لـلـنّـوايـف غـريـبــه

 

ليه المرض مايعـرف الزّيـن والعيـب ؟

 

مـايــدري انـــك للمخـالـيـق هـيـبــه !!

 

أبسألـك وش بـه غـزا وجهـك الشـيـب

 

والـقـلـب لايـــع والـنـواظـر شـحـيـبـه

 

وش بك تحاتي لانـوى المـوت تغريـب

 

تـخـشـى عـلـيـنـا بالـلـيّـالـي الكـئـيـبـه

 

خـذ دلّتـك واركـى علـى مسنـد الجـيـب

 

وعطنـي شماغـك بلثمـه وأحتـمـي بــه

 

ونـروّح لأرض ٍ بهـا العشـب والطـيـب

 

وتسـمـع كــلام ٍ يـالـغـلا تحـتـفـي بـــه

 

يـابـوي بنـتـك لاانـحـكـى بالتّـجـاريـب

 

كــل ٍ يـشــق لهـيـبـه الـصّـيـت جـيـبـه

 

يابـوي مانـي مـن ســوات المخـاريـب

 

الـلّــي تـجـيـب لعـلـيَـة الـقــوم خـيـبـه

 

وماني من اللّـي لامشـت حفّهـا الرّيـب

 

أنـــا مـــن الـلّــي مـايـدنّــس حـلـيـبـه

 

مرفـوع شانـي عــن غــرام المكاتـيـب

 

وأكبـر مــن انّـنـي أرتـضـي بالحبيـبـه

 

أنـــا غـرامــي لاابـتــدوا بالـتّـراحـيـب

 

نـفـوس الأوادم فــي وجــودي رحيـبـه

 

وان كــان زيـنـي فـتـنـة ٍ للمـصـاويـب

 

أحـــط وجــهــي بـالـحـريـق ولـهـيـبـه

 

زينـي أبيعـه وأشتـري سمـعـه الطّـيـب

 

اسـم ٍ ينـومـس بالـصّـروح الــذ ّهيـبـه

 

وان كان عندي ( بالحلا ) شي ٍ اصعيب

 

عـنــدي جـــدود ٍ مـارضــت بالغلـيـبـه

 

دمــوع القبـايـل فــي لقـانـا مسـاكـيـب

 

كــــن الـمـقـابـر لاحـضـرنــا قـريــبــه

 

خضّبـت لـك كفّـي مـن العـز تخضـيـب

 

ورفـعــت راســـي للـنّـجـوم الصّعـيـبـه

 

والله لأســـدّك بـالـفـعـول المـصـالـيـب

 

والله لأشـيـلــك بـالـرخــا والمـصـيـبـه

 

طـلـع المـعـالـي ماانـحـكـم للـشّـواريـب

 

بـنـت ٍ وأنـاطـح فــارس الـقـوم طيـبـه

 

وياشيـخـي إبـشـر لـوتـدور الدّوالـيـب

 

بنتـك إلا منّـه عــوى الـذّيـب ( ذيـبـه)

 

 

 

 

تحيــــــــــاااتي للجميع .^_^.

رابط هذا التعليق
شارك

أعجبتني الأبيات كثير

أنا صراحة أول ما شفت العنوان شدني .. وقلت إذا كان العنوان كذا فكيف الأبيات ؟؟ ومثل ما توقعت أبيات ولا أروع

 

U562-1210515633.gif

 

... بـنـت ٍ وأنـاطـح فــارس الـقـوم طيـبـه ...

 

... وياشيـخـي إبـشـر لـوتـدور الدّوالـيـب ...

 

... بنتـك إلا منّـه عــوى الـذّيـب ( ذيـبـه) ...

رابط هذا التعليق
شارك

زوار
هذا الموضوع مغلق.
×
×
  • اضف...