قام بنشر فبراير 2, 2008 ارسل تقرير Share قام بنشر فبراير 2, 2008 فــهــد المسـاعــد ..اسم غني عن التعريــف في عــالم الشعر والشعراء برز اسمه مؤخراً في كثير من القصااائد الجميلة .. هذه بعض مختاراتي من قصاائد هذا الشاعر المبدع واتمنى تعجبكم .. كــبــوة جــواد ... صعب لامنك فشلت وصعب لامنك لقيت إن من يكره نجاحك يدري انك ما نجحت امس ضقت ورحت اقلب ذكرياتي وانتهيت عند صورة طفل صوته مثل صوتي لا انجرحت وش مثل ؟؟ لا والله إلا هذا أنا يوم ابتديت انطق حروفٍ تلعثم في لساني لا انمدحت هذا أنا يوم الحياه فنظرتي عشرين بيت ومسجدين ومدرسه من طين كم فيها اصطبحت هذا أنا .. وأصبحت أتمتم .. (هذا أنا) حتى بغيت اختنق بس القدر عيّا على موتي وطحت وصاح صوت الطفل فيني انت من وين ارتميت قلت أنا المستقبل اللي فيه كم همت وطمحت امس كنت أبيك تكبر بس والله لو دريت اني اللي عشت لجله مت عندك واسترحت لو دريت إن الزمان يجر رجلي ما عديت ولو دريت إن البحور بلا مواني ما سبحت كان دربك لي طويل وكل ماشفتك هويت قلت لك كبوة جواد وما كبيت إلا وجمحت ليه تسمعني وتمشي آه ليتك مامشيت وآه ليتك من كثر عثرات الأيام انتصحت ضاعت احلامي وضل الحزن فيني واهتديت للطريق اللي يوديني على دمعي ورحت يالحزن ليتك مثل دمعي وتنزل لارقيت بس أعرفك لو مسحت الدمع تبقى ما انمسحت كان حلمي في وجود إنسان يبكي لابكيت وصار حلمي في وجود إنسان يفرح لافرحت كنت اشوف الناس مثلي كل ما جعت وضميت ما دريت إن الاوادم ناس فوق وناس تحت آآآه يا أول ذكرياتي خذني فحضنك نسيت لأسألك عن وجه ابوي اللي معه ياما سرحت خذني فحضنك ابغفى .. ياااااه مبطي ماغفيت وان لمحت دموع عيني سو نفسك ما لمحت خذني فحضنك وبعثر في جروحي وان قضيت هزلي كتفي وقلي : عيب تبكي لو سمحت اضحك وعلم زماني من أنا .. ومن وين جيت طق باب الحزن واصرخ فيّ لامني فتحت وضمني يمك .. وكمل ضحكتك لامن بكيت ودي اذكر كيف كانت ضحكتي لامن فرحت http://www.movn.net/Fahd_AL_MSa3d/KaBwaT_jwaD.ram يــبه يبه وأنا بعد (( 12 )) عام حسيت اني قدرت أقول شيٍ كتمته ابطى قصيدي ما أنكتب فيك وابطيت اجر صوتي وارجع اجر صمته ما ودي اكتب بيت واندم على بيت ماهو بشعر .. الشعر كاني زهمته الشعر كانه ما انحنى لي ما جيت إن ماعزم مرثيتك ما عزمته إن ماكتبته بأزرق الدمع وأبكيت كل الجروح المبطيه ما رحمته يبه وأنا من بعدك أبو التناهيت ما مر طعمٍ للحزن مانهمته يبه .. (يبه) كلمه وأنا كل ما أوحيت كلمة يبه ((صديت والوقت لمته)) يبه .. (يبه) كلمه وأنا كم تمنيت اهدم بها وابني بها اللي هدمته يبه وأنا لاضقت رحت وتهجيت ركون بيت ضم حلمٍ حلمته يومك تعلمني ولامن تحاكيت درس الحياه اللي كبرت وفهمته هناك كانت دلتك لاتقهويت وهناك كان يساق طيبٍ حشمته وهناك إيه اذكرني .. هناك خليت طفلٍ ملى بالدمع دربٍ رسمته هناك جاني علمك انك توفيت وهناك خاويت الشقا واحتزمته واليوم قلت اليوم يومي ومديت كف القصيد وطاح شعر ونظمته لكن بعد صمت (( 12)) عام حسيت اني عجزت أقول شيٍ كتمته http://www.movn.net/Fahd_AL_MSa3d/YbaaH.ram اللي تــركني .. اللي تركني وأنا في عز غربالي بعد الشدايد وش اللي ذكره فيني يبغى زماني يعود ويرجع الغالي وشلون يرجع بعد ماطاح من عيني لا الوقت وقته ولا له شي في بالي أنا نسيته مثل ماكان ناسيني أنا تمنيت نظره منه في حالي ياما تمنيت صوته لو يناديني وأقول لأظلم علي الليل بلحالي الله يجيبه يشتت غربة سنيني من كثر ماكان طيفه دايم اقبالي أحيان أحسه معي وتضمه ايديني ولامن تنبهت لين وجيه عذالي كلٍ على ماطرا باله يسميني ليته تركني بعد هذا على فالي زي ماتركته بعد قتله بساتيني من بعد ماصار جاء بلسانه الحالي يبغى يرجّع زمانٍ بينه وبيني قولوا له إني ما أحبه كثر ترحالي أو لا .. حرام يتضايق وإلا يبكيني؟؟ قولوا له إني أحبه .. بس من تالي إن راح وإلا رجع ماعاد يعنيني http://www.movn.net/Fahd_AL_MSa3d/ALY_TaRkNY.ram المـديـنة والغريـب .. جاء يشوف الحال كيفه بعد ما هزه حنينه وقبل يسألني سألته كيف حالك يالحبيب قال أنا كني غريبٍ ضيّع أدروب المدينه قلت أنا كني مدينه تنتظر رجعة غريب قال اجل وش فيك تكره سيرة الحب وسنينه قلت اجل وشلون ما اكره سيرته دامك تغيب أنت لامن غبت حتى مرايتك صارت حزينه كيف ما تبغاني احزن وانت لي حظ ونصيب الهدايا والرسايل والمكاتيب الثمينه والليالي والقمر والريح والكون الرحيب كل ما تبعد تجيب ليّه الشعر من يدينه وتقعد جروحي تودي فالطواريق وتجيب يابعد كل القصيد ونزوة إحداه وأنينه لاذكرتك لاح بيت وطاح ورد وفاح طيب وان نسيتك مانساني صوتك المبحوح لينه ياخذ لجرحي بثاره من خطاياك ويطيب وبعد هذا جاي ترمي ذنبك بوجه المدينه ما دريت إن المدينه كلها شمعة غريب http://www.movn.net/Fahd_AL_MSa3d/AL_MaDee...o_AL_QaReeB.ram المــراسيــل أقول يمكن تنفرج فالمقابيل ولا ادري إلا الأرض تحتي تهايل وبعد التعب والهم والحط والشيل توي عرفت إن البخت كان مايل مع ذاك أبو ذيك الرموش المظاليل ذاك الغريب اللي عمل بي عمايل جتني مراسيله تشب القناديل ومعها سؤالٍ جاوبته النحايل يقول كيف الحال بعد المراسيل وأقول مثل الحال قبل الرسايل عمر الكتابه ما تجيب المواصيل ريّح مكاتيبك ترا الشك زايل إن ما حصل همس وحنان وتعاليل وأعاتبك لين المح الدمع سايل واجلس واسولف عن زمان البهاذيل وانسى السوالف لا نسفت الجدايل كذا يصير الحب والوصل والليل وكذا ادري انك ما نسيت الجمايل إما كذا وإلا اترك الحظ للميل واتركني فوق الأرض تحتي تهايل http://www.movn.net/Fahd_AL_MSa3d/AL_MaRaSeeL.ram ســالفــة العشــاق من بغى الفرقا .. لقى له عذر وأسباب ودليل خل عنك العذر والأسباب دام الحب ضاع كان ودك بالفراق ابشر عسى عمرك طويل لاتردد وأنت لك كلمه ولك أمرٍ مطاع لي عليك انك تبت بكلمه تشفي الغليل ولك علي إني لأوقف وقفة الرجل الشجاع لاتجاملني مخافة قال مدري خوف قيل عمر هرج الناس مايسمن ولا يغني جياع كان قصدك سر حبك اوعدك لأصبح بخيل واحمل أسرارك معي للموت قدر المستطاع بس قلها .. قل ما احبك .. وابشر بصبرٍ جميل لاتحسب إني مثل من طبعهم لوي الذراع صاحبك ماهو كذا .. ياصاحب القد النحيل صاحبك طبعه غريب وغربته غربة اطباع فالهوى مايقبل الحل الوسط ولا القليل مثل ماهو لا شرا يشري اليامن باع باااااع ثابتٍ لو هي تميل الأرض حدره مايميل يدري إن الفقر ماهو عيب والدنيا متاع ماعشق لذة حياته كثر عشق المستحيل ولا كره حتى مماته كثر كره الانصياع كم تعلمت من شديد البدو وش معنى الرحيل وكم تعلمت من غروب الشمس وش معنى الوداع وكم تعلمت من سحاب الصيف وش معنى الحصيل وكم تعلمت من ليال البرد وش معنى الضياع إيه .. أنا هذا .. طريقي موحش وصعب وطويل وانت لامنك تعبت العالم فجوجه وساع اعتبرني في بداية سكتك عابر سبيل ورح وأنا قلبي معك من وين وجهت الشراع يكفي إني لاذكرت بسالفة عشاق قيل عاشر احبابه شجاع وفارق احبابه شجاع http://www.movn.net/Fahd_AL_MSa3d/SaLFaT_3ShaaG.ram وان شــاء الله الموضوع عجبــكم .. رابط هذا التعليق شارك More sharing options...
قام بنشر فبراير 2, 2008 ارسل تقرير Share قام بنشر فبراير 2, 2008 يعطيك العافيه ابوي وسلمت يداك على الجهود المبذوله ماخليتي شي من اشعاره ماحطيتيه عساك على القوووه حياتي تقبلي مروري رابط هذا التعليق شارك More sharing options...
قام بنشر فبراير 3, 2008 الكاتب ارسل تقرير Share قام بنشر فبراير 3, 2008 الله يعااافيج حيااتي سوسو والله لج وحشة زيين اني شفت ع الاقل اهني ههههههه تسلمييين ع المروور يالغالية رابط هذا التعليق شارك More sharing options...
قام بنشر فبراير 4, 2008 ارسل تقرير Share قام بنشر فبراير 4, 2008 يكفي إني لاذكرت بسالفة عشاق قيل عاشر احبابه شجاع وفارق احبابه شجاع === هاي عجيبة القصيدة سالفة عشاق .. وايد احبها .. الصراحة هو شاعر مبدع وكل اشعاره ذووووق نفس اللي نقلتها .. ^_^ اهنيج .. سلام رابط هذا التعليق شارك More sharing options...
قام بنشر فبراير 4, 2008 الكاتب ارسل تقرير Share قام بنشر فبراير 4, 2008 لوووووووووووولي تصدقيين تعبت وانا ادوورهم هههههههههههه مختفييين وعقب لقيتهم من غير اساامي قعدت اسمع كل وحده وادوور كلمااتها اهم شي اعجبووج القصااايد حيااااتي ويعطييج العافية ع المرور .. رابط هذا التعليق شارك More sharing options...
Recommended Posts