من أقوي القصائد في الاسهم

هذه قصـــــيده لشاعر بن رحيمي في سوق الاسهم

 

لا ياضحايا سوق الأسهم حضروا عند الملك

انخوا الملك نخوة صويب المعركه تالي النهار

 

قولوا يابو متعب ترى ثلثين من شعبك هلك

بعد انهيار السوق من هرينا شد الأنهــــــيار

 

رحنا سمك في بحر لو مافيه بحر ولا سمك

وارزاقنا ميعاد بحلوق التماسيح الكبــــــــار

 

نبي نصيد وفالنهايه كلنا صــيد الشـــــــــبك

هذا الدمار الشامل اللي مايقارن به دمــــــار

 

رحنـا وطي رحنـا طعـام جحـوش مالا نمتــلك

بلوى مصيبه كارثه تؤخذ في بعين الأعتبار

 

احد وقف واحد برك مثل البعــير اليـا بـــرك

واحد فرك واحد يسحب فروته حول المطار

 

واللي ضحك تراه يضحك لاشعوري لو ضحك

تلقاه بعد ايام يكتب بالقلم فوق الجـــــــدار

 

معاد ندري وش حصل لكن شــر مشـتــرك

يحول اليسرى يمين ويحول اليمنى يســــار

 

واللون الأحمر نكرهه كره قوي مافيه شــك

يصيبنا هستيريا واحباط لا شفنا الحمـــــــر

 

ندور اللون الخضر حتى على جنوب التنـك

نجمع الجرجير والكراث من سوق الخضار

 

حتى ليا شفنا الطماط نحس بشي من الضنك

يازين لون الفلفل الأخضر ويازين الخـــيار

 

وان كان ما انحلت قضيتنا بعد هلمعتـــــرك

ميتين في الميه دعاوينا انهيار بإنهيــــــار

 

انخوا ولي العهد سلطان السعد عضد الملك

يفتح لنا فرعين في البطحاء لمستشفى شهار

لا ياضحايا سوق الأسهم حضروا عند الملك

انخوا الملك نخوة صويب المعركه تالي النهار

 

============

 

غلطاااااااااان هالشااعر

لو حاااط الفهد كان قصيدته بتطلع احلى

 

تسلم فوكس ع القصيده وصح الله الساانك والسان الشاعر

الله يسلمكِ اختي

يعطيك العافيه اخي فوكس على الابيات

وسلمت يداك على النقل

 

في انتظار جديدك القادم

لاعدمناك

الله يعافيكِ اختي<_<