اذهب الي المحتوي
منتديات سايق الخير

شاعر المليون..


Recommended Posts

حلقة يوم الثلاثاء المقبل في شاعر المليون سوف يكون فيها الشاعر الاماراتي الخلوق والمتميز سعد بن مرزوق الاحبابي وهو من اهالي مدينة العين وحبيت انقل لكم بعض المقاطع من قصايد الشاعر وعلى فكرة الشاعر عضو مجلس ادارة مركز ملتقى الشعراء بالعين والمدير الاداري للمركز.

 

****

 

افضل لي اموت وانا جايعً ضامي

ولا اذل نفسي ورا عابد دنانيره.!

 

 

****

 

الشعر لو لبسني ثياب الاعجاب

ماغير اخلاقي ولا شان طبعي

عندي علاقات وصداقات واصحاب

لكن بشعري ماستغليت ربعي

احسن لي ابعد عن سما الشعر واغاب

ولا اصير بالساحه اصولي وتبعي

 

****

 

انا اللي الشره علي وانت مشكور

هذا جزاي وكثر الله خيرك

كنت الوحيد اللي اراعيك بشعور

واليوم لا حبك ولا احب غيرك

 

 

****

 

مشيت بالدرب مدري وين انا رايح

لين الزمان الردي كشّر لي انيابه

قضيت عمري برحلات الشقا سايح

غريب وداه حظه بس ماجابه

قالو عسى الله يقوّم حظك الطايح

واقول ياناس ذا حظي وانا ادرابه

 

****

خلوني اسكت عسى الله مايخليني

خلوني اخفي همومي واكتم احزاني

عسى الليالي ليا مرت تسليني

دام الليالي طويله والعمر فاني

امشي مع الدرب والضيقه تخاويني

والظاهر ان الفرح مر وتعدّاني

ماكنت متوقع الدنيا تبكّيني

لين.......طلع ادموعي وبكّاني

 

****

انهد صرحً طول عمري بنيته

نصري تحت ركام الايام مدفون

لا واحسافه دمعي اللي بكيته

ياللاسف كيف العرب مايحسّون

يعني على هالحال عمري قضيته

زيتونةً تقلى على زيت زيتون

 

****

اذا ماعندك شغل ولا وضيفه

جمّع ثلاث ابيات وتصير شاعر

تمشي لوّ ان بيوت شعرك خفيفه

وادفع فلوس تصير مشهور باكر

اشوف بالدنيا مواقف طريفه

من يوم صار الشعر ضمن المظاهر

يرحمك يازايد ويحفظ خليفه

من خيركم حتى الغبي صار شاطر

 

****

كان غيبتك هذي مابعدها رجوع

اللي اقدر اقوله حسبي الله عليك

انت لو شفت حبك بين عوج الضلوع

ماتعمّدت هجراني وانا اموت فيك

 

****

 

من حبه احب منطقته وعايلته

وامر داره ولو ماني من اهلها

واروح وذكر مكانً فيه قابلته

واذكر بداية لقانا واتخيلها

وارجع ونفسي ثقيل الهم شايلته

وعيوني تحير بالدمعه وتهملها

وان قلت ابنساه رديت وتخيلته

واصد يم الهدايا واتآملها

 

****

ياعمي قل وش اللي يفرق التجار والعمال؟

هذي نفس وهذي نفس وسوى والموت مرجعها

لو الله ماخلق عمال ماشفنا رجال اعمال

لكنّ الله خلق هذي لاجل هذي وطوّعها

 

****

ابسألك ليش انت ياصاحبي غير؟

هاك القمر ياصاحبي وش يجيلك؟

توك صغير وبالهوا مانته صغير

تخلي ملوك الغلا تنحني لك

وتسير بالشارع ولا كنك تسير

كن الهبوب من الترافه تشيلك

 

 

****

 

 

وبالتوفيق لشاعرنا المبدع

 

ملاحظه.. انا ما اتابعهم ولا اشجعهم ولكن بس حبيت الكلمات

 

وحبيت اشارك بها

 

منقول

رابط هذا التعليق
شارك

انا اللي الشره علي وانت مشكور

هذا جزاي وكثر الله خيرك

كنت الوحيد اللي اراعيك بشعور

واليوم لا حبك ولا احب غيرك

 

 

صح الله الساااااااااان الشااعر والسااانج رووز

 

روعه شعره ماشاء الله علييه

تسلمييين ع النقل ابدعتي يالغلا

رابط هذا التعليق
شارك

انا اللي الشره علي وانت مشكور

هذا جزاي وكثر الله خيرك

كنت الوحيد اللي اراعيك بشعور

واليوم لا حبك ولا احب غيرك

 

====

 

ابسألك ليش انت ياصاحبي غير؟

هاك القمر ياصاحبي وش يجيلك؟

توك صغير وبالهوا مانته صغير

تخلي ملوك الغلا تنحني لك

وتسير بالشارع ولا كنك تسير

كن الهبوب من الترافه تشيلك

 

====

كان غيبتك هذي مابعدها رجوع

اللي اقدر اقوله حسبي الله عليك

انت لو شفت حبك بين عوج الضلوع

ماتعمّدت هجراني وانا اموت فيك

 

====

عجييييييييبين ..

يسلموـوـو والله .. ..

سلام ..

رابط هذا التعليق
شارك

زوار
هذا الموضوع مغلق.
×
×
  • اضف...