اذهب الي المحتوي
منتديات سايق الخير

قصيــــــدة فـي بنات قطــر ..^^..


Recommended Posts

قصيده في (( بنات قطر ))

 

 

بسم الله الرحمن الرحيم ..

 

 

 

إن بغيت الطيب فيهـا طيـب مـا مثلـه مثيـل

وإن بغيت الحسن ربي صاغها بـأروع جمـال

 

وإن بغيت الجود فيها الجود من عـرقٍ أصيـل

هذي ( بنت قطر ) بنـتٍ تضاهـا بالرجـال

 

ما تعرف اليأس أو قولة ( بعيد ) أو ( مستحيل )

ما تلاقـي عندهـا تعريـف للكلمـه ( محـال )

 

الصبوره .. القنوعه .. ترضى بالشـي القليـل

لوما أخشى من الملامـه كنـت ألبسهـا عقـال

 

الرقيقـه .. الحنونـه .. راعيـة بـالٍ طويـل

الكريمه .. العظيمـه .. مـا تقصّـر بالوصـال

 

بنت أبوها تخدمـه بعيونهـا لـو هـو عليـل

وأمها تفخر بهـا وتدعـي لهـا بولـد الحـلال

 

أي وربـي لبنت قطر انـا مارضـى بـديـل

يا بعدهم يالرطب ياللـي كسـر سـوق الخـلال

 

يالجميله .. يالأصيله .. جيت لك مثـل الذليـل

يطلـب القـرب بوصالـك جننـه زود الـدلال

 

يالحشيمه .. يالرحيمـه .. يـا وفيـه بالخليـل

زان طبعك من جـدودك ثـم عمامـك والخـوال

 

من يلوم اللي غدى مـن نظـره بعينـك قتيـل

لو يحـاول أو يقـاوم ؟! مالـه بموتـه مجـال

 

إن حضرتي تشعلين الحفـل بالخصـر النحيـل

تبهريـن الحفـل وانتـي تصبحيـن الإحتفـال

 

من يشوفك غصب عنـه قلبـه المغـرم يميـل

مو بكيفه وين ما رحتـي معـاك القلـب مـال

 

إنتي نهرٍ مـا يجـف مـن العطـا يالسلسبيـل

وإنتي في دينا الهوى وطبع الوفـا أروع مثـال

 

إنتي أختي وإنتي أمـي وكـل إحسـاسٍ جميـل

وإنتي العشق الحقيقـي وزوجتـي وأم العيـال

 

لو ألـف الكـون كلـه مـا ألاقـي لـك قبيـل

إنتي وحدك .. لا يهمك من حكـى فيكـم وقـال

 

إنتي مثل النجمه اللـي تضـوي الليـل الكحيـل

وإن يطال سهيل فانتي النجمه اللي ما تطـال

 

فديت اترابج يا قطر

رابط هذا التعليق
شارك

الصبوره .. القنوعه .. ترضى بالشـي القليـل

لوما أخشى من الملامـه كنـت ألبسهـا عقـال

 

 

 

====

 

يااااااسلااام ..

 

انا حلوة و وااثقة من رووحي هاا .. عشان شذي دشيت خخخ ..

 

يسلمووو سويتو ..^^..

 

 

سلام :)

رابط هذا التعليق
شارك

 

 

الرقيقـه .. الحنونـه .. راعيـة بـالٍ طويـل

الكريمه .. العظيمـه .. مـا تقصّـر بالوصـال

 

=========================

 

 

ياسلااااااام كلمات حلوة الصراحة ..

 

وماعليهم قصور باقي البنيات في مختلف الدول والزين موجود في كل مكان لله الحمد ..

 

ياحلو هالنقل والله ..

 

عساج عالقوة يالشيخة ..

رابط هذا التعليق
شارك

سويت تراني داشه ومستحيه :)

تقولين جنهم قايلين اسمي فيه خخخخخخخخخخ

الريال قال بنات قطر :) ماقال تسونادي بالذات خخخخخخخخخخخخخخ

 

سلمت يداك حياتي على النقل الطيب

وعساك على القوووه ان شاء الله

في انتظار جديدك حبي

 

U2794-1196322266.gif

رابط هذا التعليق
شارك

زوار
هذا الموضوع مغلق.
×
×
  • اضف...