اذهب الي المحتوي
منتديات سايق الخير

||¦☼ж−ـ‗_ |¦[ ღ كـــــــــــــــــــــفايـــــــهღ ]¦|_‗ـ−ж☼¦||


Recommended Posts

U52-1196578215.gif

 

 

 

كفايه صار لك شهرين غايب عني يالغالي

كفايه يا اعز الناس ترى والله ما أقدر

دخيلك لا تخيب فيك هقواتي وآمالي

 

واذا انها عالصبر والله وغلاتك عندي راح أصبر

أبتحمل عنى فرقاك وحالي يرثي لحالي

مع اني والله لين اليوم مدري ليش بس تهجر

 

أبعرف شالسبب أرجوك وش اللي بس يجرالي

أنا شسويت ياربي عشان تثور و تتفجر

أنا والله ماستاهل أبد كل اللي يجرالي

 

أقل مافيها بس قل لي سبب خلاك تتغير

أبعرف بس شالموضوع علامك صرت ما تبالي

 

 

 

U52-1196578252.gif

 

 

 

 

بذمتك كل أهلك في يوم شفتني بشي أنا مقصر

عطيتك قلبي وروحي وهبتك حالي ومالي

حملت احساس هالدنيا وعطيته لك وانا أفخر

 

عشقتك عشق لا قبله ولا بعده انعشق تالي

هويتك موت وتخيل إلين الموت وتصور

وإذا جاني مسج منك مخزن رقمك الغالي

 

ولا أمسح رسالاتك اتم أقراها وأفكر

وأحلل كل كلمه بالمسج الله يا غربالي

وأقول بخاطري معقوله حاسس فيني ويشعر

 

وارد أقول لا يمكن تذكرني وهو سالي

لان توني مطرش مسج طرش مسج يشكر

 

 

 

U52-1196578252.gif

 

 

 

 

وارد أقول لا أدري يبيني وحاسس بحالي

وأرد أقول لا ماظن على باله أنا اخطر

إلين إني انا تأكدت قلبه بالفعل خالي

 

ولا غيري أنا بقلبه يحبني موت ويقدر

لأني مره من المرات طرت فكره على بالي

نويت أزعل بدون أسباب وأشوفه لو بيتأثر

 

أبعرف قدري بقلبه بيهمه وضعي الحالي

أو انه راح يطنشني ولا يسأل ويستفسر

وفعلاً دق ماجاوبت حرق لي والله جوالي

 

ثلاثة ألاف مره دق وانا مطنش ولا معبر

كتب لي بالمسج اطلع أنا عند بابك الحالي

 

 

 

 

U52-1196578252.gif

 

 

 

 

قسم بالله ما تطلع لا خربها انا واحدر

ومشكلتي أعرفه زين يسويها ولا يبالي

نزلت وخاطره مكسور يقول شفيك متغير

 

وقلت له بس أبتأكد إذا قدري معك عالي

ضحك لي وقال : إتأكدت ودمعه بلل المحجر

وطارت فيني الدنيا لمكاني صاحبي جى لي

 

تعذر لي وانا الغلطان وانا اللي لازم أتعذر

بعدها عشت أحلى ايام في قربه هنيالي

وصلنا لمرحله مانفترق عن بعضنا وأكثر

 

بعدها فجأه خلاني ولا يسأل عن احوالي

وانا في خاطري أدري محال في يوم يتغير

 

 

 

 

U52-1196578252.gif

 

 

 

 

أدق له مايجاوبني بديت أشك في حالي

أخاف إنه حصل له شي أخافه بس متكدر

لعب في قلبي الوسواس خياله ما تهيالي

 

حوالي ألف مسج طرشت حبيبي يا عسى ماشر

ولا جاوب وانا قاعد على اعصابي وغربالي

حبيبي صار له اسبوع فيني حتى ما فكر

 

إلين إني عرفت شلون أخلي خلي الغالي

يكلمني وجت فكره بعد ما مت وانا أفكر

وفعلاً اتصل فيني وبدت أحزاني وأهوالي

 

وكانت صدمتي كبيره علي الغالي يتكدر

وكانت صدمتي كبيره علي الغالي يتغير

 

 

 

 

U52-1196578252.gif

 

 

 

 

سألته قلت له واشفيك ما من شر يالغالي

وش اللي صار بالدنيا علامك ليش متبعثر

أو إنك يعني ماتدري بدونك صرت أنا لحالي

 

ولا لي خلق أي انسان كثر مافيك أنا أفكر

وجاوبني وقال أرجوك أبي هالدنيا تصفالي

أنا مليت من وضعي واشوف الكل متغير

 

أنا ضاقت بي الدنيا وأبي أبقى انا لحالي

خلاص اتركني لاتسأل وأنا برجع عقب أشهر

وقلت له مو علي تكذب أعرفك تضعف قبالي

 

تكلم قول شالموضوع بدى قلبي يدق أكثر

سكت لحظه وقال أرجوك ابعد عني يالغالي

 

 

 

 

U52-1196578252.gif

 

 

 

 

وخلني أذكرك بالخير وانت مثلي اتذكر

ولاتطرش مسج واحد ولا تدق لي أبد تالي

وإذا لي خاطر(ن) عندك لاتتكلم أبد سكر

 

وقلت له والله ماسكر إلين تقول وتصفالي

وقال لي والله ماتكلم ولو تبكي دمع أحمر

ولكن شوف ربعك وانت تعرف بس وش جالي

 

خلاص افهمها عالطاير لاتحرجني بعد أكثر

وسكر والدمع فيني على الخدين همالي

قسم بالله ما أدري علامه قلبه تحجر

 

فؤادي انهار وانا حملي جبال وجبالي

في لحظه صارت الدنيا في عيني هالكبر واصغر

 

 

 

 

U52-1196578252.gif

 

 

 

 

حسافه ماتوقعته يصدق فيني عذالي

حسافه ماهقيته يوم يصد عني ويتغير

بعدها صار لي ماصار وربي يعلم بحالي

 

فؤادي باقي بس شوي واحسه من الجسم يظهر

بديت أعرق مدري ليش وخابت كل امالي

انا توقعت كل الناس ولا توقعت هو ينكر

 

وقلت بخاطري خله مصيره يرجع الغالي

أكيد إنه سمع اي شي وجوه صار متعكر

ولكن طوّل غيابه وزادت فيني علالي

 

مرض قلبي تعب فكري واحسه جسمي متخدر

وقلت خلني أطرش له مسج واشكي له أحوالي

 

 

 

 

U52-1196578252.gif

 

 

 

 

وطرشت المسج وشوي دق لي ودون مافكر

هلا والله يا أغلى الناس هلا والله بالغالي

الو طارق ما قلت لك لاتذكرني أو أذكر

أبي بس أذكرك بالخير ياخي خلني في حالي

وقلت وخاطري مكسور أنا آسف وماكرر

 

قسم بالله لين اليوم وحالي يرثي لحالي

قسم بالله إلين اليوم ولا أدري ليش هو تغير

قسم بالله ماغضت عيوني ولا هدى بالي

قسم بالله مامر يوم إلا وفيه أنا أفكر

قسم بالله قلت بنساه بس طيفه يتهيالي

قسم بالله لو حاولت أنا أنساه أتذكر

 

 

 

 

U52-1196578252.gif

 

 

 

إلين اليوم أنا عندي أمل يرجع ويصفالي

أقول الشوق بيرده على فرقاي مايقدر

إلين اليوم وضحكاته وبسماته على بالي

 

إلين اليوم ما أرقد كثر مافيه أنا أفكر

أبعرف شالسبب أرجوك وش اللي بس يجرالي

أنا شسويت ياربي عشان تثور وتتفجر

 

أنا والله ماستاهل أبد كل اللي يجرالي

أقل مافيها بس قل لي سبب خلاك تتغير

أبعرف بس شالموضوع علامك صرت ماتبالي

 

بذمتك كل أهلك في يوم شفتني بشي أنا مقصر

انا راح أنتظر ردك ولو حتى بمسج خالي

 

 

 

U52-1196578252.gif

 

 

 

وإذا ماجاني منك الرد وغلاتك عندي راح أصبر

سنه سنتين اللي يهم أشوفك ثاني قبالي

ثلاث سنين أو أربع أبصبر يعني راح أصبر

 

ولكن حكم احساسك وجاوب يا أغلى كل غالي

بذمة والديك يهون تنساني ولا تذكر

يهون إنك تخليني ولا تسأل ولا تبالي

 

يهون إنك تنام الليل وتتركني انا أسهر

كفايه كفايه صار لك شهرين غايب عني يالغالي

كفايه يا أعز الناس ترى والله ما أقدر

 

دخيلك لاتخيب فيك هقواتي و آمالي

وإذا انها عالصبر والله وغلاتك عندي راح أصبر

 

 

 

post-37178-0-49423400-1318528563_thumb.jpg

 

وهذا الملف بالصوت والله يقطع القلب وألقائه واااااااااااااااايد حلو ..

 

إهداء للقلوب الرهيفه .. ;)

 

 

 

U52-1196578376.gif

رابط هذا التعليق
شارك

عشقتك عشق لا قبله ولا بعده انعشق تالي

هويتك موت وتخيل إلين الموت وتصور

وإذا جاني مسج منك مخزن رقمك الغالي

 

ولا أمسح رسالاتك اتم أقراها وأفكر

وأحلل كل كلمه بالمسج الله يا غربالي

وأقول بخاطري معقوله حاسس فيني ويشعر

 

وارد أقول لا يمكن تذكرني وهو سالي

لان توني مطرش مسج طرش مسج يشكر

 

================================

 

هتوووره آآآآآآآآآآآآآآآآآآآآآآآآآآآآآآه وآآآآآآآآآآآآآآآآآآآآآه تدرررررين ان هااذي وحده من افضل القصاايد عندي

من سنتييين وانا اموووووووووووت عليييها حتى كنت ميته قبل ابي اعرف من الشاااعر وعقب قالولي انه طاارق المحيااس

وتدرين ان هااذي اكثر قصيده هو يكرها وحتى كاان بيصورها بس عقب غيّر راايه لانه تذكره بأشيااء مايحبها بس والله ابدع طاارق

فيهااا وغلطان انه يكرهااا ....تسلميييييييييييييييين غلاااااااااااااااتي ع النقل ويعطييكي العاافي تؤبريني

رابط هذا التعليق
شارك

احم احم

 

كلمات قوية جداً

 

يعطيك العافية

 

على الشعر الجميل

 

مشكورة على النقلة الجميلة

 

تقبلي تحيتي اخوكم

 

(وحيداً في الظلام)

رابط هذا التعليق
شارك

عشقتك عشق لا قبله ولا بعده انعشق تالي

هويتك موت وتخيل إلين الموت وتصور

وإذا جاني مسج منك مخزن رقمك الغالي

 

ولا أمسح رسالاتك اتم أقراها وأفكر

وأحلل كل كلمه بالمسج الله يا غربالي

وأقول بخاطري معقوله حاسس فيني ويشعر

 

 

كلمات مؤثره هتوري

بس آنا الحزن والفراق ماحبه ..

عجبتني أكثر الابيات اللي فوق

تسلمين غلاتوو على النقل الجميل

رابط هذا التعليق
شارك

وإذا ماجاني منك الرد وغلاتك عندي راح أصبر

سنه سنتين اللي يهم أشوفك ثاني قبالي

ثلاث سنين أو أربع أبصبر يعني راح أصبر

 

ولكن حكم احساسك وجاوب يا أغلى كل غالي

بذمة والديك يهون تنساني ولا تذكر

يهون إنك تخليني ولا تسأل ولا تبالي

 

يهون إنك تنام الليل وتتركني انا أسهر

كفايه كفايه صار لك شهرين غايب عني يالغالي

كفايه يا أعز الناس ترى والله ما أقدر

 

دخيلك لاتخيب فيك هقواتي و آمالي

وإذا انها عالصبر والله وغلاتك عندي راح أصبر

 

 

====

 

 

رهيييبة رهييبة ... الصراحة اندمجت وتفاعلت و اشتعلت معاها خخخ ..

 

هالجملة رهييبة " وإذا انها عالصبر والله وغلاتك عندي راح أصبر "

 

روووعة .. تسلمين هتوهوري ;)

رابط هذا التعليق
شارك

السلام عليكم ...

 

 

الصراحة فيها مقاطع تقطع القلب .. انا للحين ماسمعتها .. قريتها بس .. والله اشوي واصيح معاه .. ;)

 

مقاطع عجبتني :

 

+++

 

وارد أقول لا أدري يبيني وحاسس بحالي

وأرد أقول لا ماظن على باله أنا اخطر

إلين إني انا تأكدت قلبه بالفعل خالي

 

+++

 

قسم بالله لين اليوم وحالي يرثي لحالي

قسم بالله إلين اليوم ولا أدري ليش هو تغير

قسم بالله ماغضت عيوني ولا هدى بالي

قسم بالله مامر يوم إلا وفيه أنا أفكر

قسم بالله قلت بنساه بس طيفه يتهيالي

قسم بالله لو حاولت أنا أنساه أتذكر

 

+++

 

 

فؤادي باقي بس شوي واحسه من الجسم يظهر

بديت أعرق مدري ليش وخابت كل امالي

انا توقعت كل الناس ولا توقعت هو ينكر

 

 

+++

 

 

وقسم بالله انها عجيبة !! .. !!

 

يعطيج مليووون عافية عالنقل المتميز هالمرة من قلب متميز .. ^^..

 

سلام ..

رابط هذا التعليق
شارك

قسم بالله لين اليوم وحالي يرثي لحالي

قسم بالله إلين اليوم ولا أدري ليش هو تغير

قسم بالله ماغضت عيوني ولا هدى بالي

قسم بالله مامر يوم إلا وفيه أنا أفكر

قسم بالله قلت بنساه بس طيفه يتهيالي

قسم بالله لو حاولت أنا أنساه أتذكر

 

.............

 

اتصدقين على طولها بس كملتها

 

يعطيج العافيه

رابط هذا التعليق
شارك

زوار
هذا الموضوع مغلق.
×
×
  • اضف...