موعدك

بليلة نجمها غاب وقمرها منكسـر نصفيـن

هبوب العاصفة ناحت على بابـي وجدرانـي

 

سقاني وابل الصمت وتركني بـارد الكفيـن

بليلة كـل شـي فيهـا يذكرنـي بحرمانـي

 

حتى الموعد اللي فيه جيتي تسألينـي ويـن

ولمع الدمع في عينك يسابق صوتك الحانـي

 

نسيتي لحظة الدنيا وانا خابرك مـا تنسيـن

حقيقة موعدك يـا بنـت ضحكنـي وبكانـي

 

لك الله يوم ناديتك وجيتي ما عرفتـك زيـن

وحاولت اعتذر وامشي وأجي في موعدٍ ثاني

 

عرفت إنك كتبتيني حكاية عمرهـا عاميـن

ومالت آخر الصفحات في وجهـي تحدّانـي

 

عرفت إن الزمن جار وجنى جوره على قلبين

عرفت إن الوهم مرّ وخذا حلمـه وصحانـي

 

أببدا بالكلام اللي بعينـك قبـل مـا تبديـن

وابعذر واعتذر واجمع شتات الحكي بلسانـي

 

فمان الله يا أوفى وأطهر مـن بكتهـا عيـن

فمان الله إذا كنتـي تبيـن اليـوم نسيانـي

 

فمان الله مـا ودي أناظـر دمعتـك تكفيـن

وأبي منك العذر لو ما عرفتي وين عنوانـي

 

وأبيك إليا تذكرتي هبوب العاصفـة بعديـن

أمانة لا يهون الدمع في عينك علـى شانـي

فمان الله يا أوفى وأطهر مـن بكتهـا عيـن

فمان الله إذا كنتـي تبيـن اليـوم نسيانـي

 

فمان الله مـا ودي أناظـر دمعتـك تكفيـن

وأبي منك العذر لو ما عرفتي وين عنوانـي

 

وأبيك إليا تذكرتي هبوب العاصفـة بعديـن

أمانة لا يهون الدمع في عينك علـى شانـي

 

 

====

 

راااااائعة .. تجنن ..

 

تسلم خيوووو ;)

الله يسلمكِ اختي

وعليكم السلام والرحمه....

 

أسلوب الكتابه هذا يشبه بكثيييييييير اسلوب حامد زيد ^^...

 

سلمت يمينك اخوي وما قصرت...

 

استمتع بقرائتها كثيــــــــــــــــراً

يعطيك العافيه اخوي فوكس

وابدعت في اختيارك للكلمات

في انتظار جديدك القادم

وعساك على القوووه ان شاء الله

روعه

 

 

تلسم ..

العفــــــو